Íslandsbanka- og Áskorendamótaröð GSÍ lauk s.l. helgi og hafa unglingar frá GL verið dugleg að sækja mótaraðir sumarsins. Árangur unglingana hefur verið góður og oftar en ekki unnið til verðlauna.
Síðastliðna helgi endaði Björn Viktor Viktorsson í 2.sæti í flokki 14 ára og yngri stráka á Íslandsbankamótaröðinni. Björn Viktor endaði jafnframt í 3.sæti stigalistans fyrir sumarið í sínum flokk.
Gabríel Þór Þórðarsson vann 18 holu Áskorendamót stráka 14 ára og yngri og í 2.sæti varð Þorgeir Örn Bjarkason en bráðabana þurfti til að fá fram sigur. Í flokki stelpna vann Kristín Vala Jónsdóttir.
Marinó Ísak Dagsson vann 9 holu Áskorendamót pilta 10 ára og yngri og í 3.sæti varð Bragi Friðrik Bjarnason.
Golfklúbburinn Leynir óskar börnum og unglingum úr röðum klúbbsins til hamingju með árangurinn sem hefur verið til fyrirmyndar í sumar.
