Eins og komið hefur fram þá ákvað Golfklúbburinn Leynir á Akranesi að árangustengja spilamennskuna í Meistaramóti klúbbsins sem fram fór dagana 7-10 júlí sl. Golfklúbburinn naut mikillar góðvildar frá fyrirtækinu Skipavík í Stykkishólmi sem lagði til 500 kr. fyrir alla fugla (birdie) sem náðust í mótinu og skildi upphæðin renna óskipt til Umhyggju – félags langveikra barna. Alls náðust 239 fuglar yfir þessa 4 daga sem gerir 119.500.- kr. Þeir hjá Skipavík voru enn og rausnarlegri, ákváðu að bæta í og hafa upphæðina 150 þús krónur.
Á lokahófi mótsins mætti svo Halldóra Hanna Halldórsdóttir og veitti velgjörningi Skipavíkur móttöku. Á myndinni má sjá þar sem Rakel Óskarsdóttir, framkvæmdastjóri Leynis, afhenti Halldóru Hönnu styrkinn.
