Nú þegar liðið er vel á haustið og nóvember genginn í garð með kólnandi veðri hefur ákvörðun verið tekin um að loka inn á flatir sem og loka fyrir alla umferð á fyrri níu, þ.e. holur 1 til 9. Girt hefur verið í kringum flatirnar og biðjum við ykkur um að ganga ekki inn á þær. Þá hafa vallarstarfsmenn nú komið upp vetrarflötum og teigum á holum 10 til 18 sem hægt er að spila á út veturinn.
Endurbætur eftir vatnstjón í inniaðstöðunni í kjallaranum eru á lokametrunum og vonumst við til að geta opnað í vikulokin. Við munum senda á ykkur sérstakan póst, um nákvæma tímasetningu, þegar það skýrist í vikunni.
Stjórn GL stefnir á að halda aðalfund félagsins miðvikudaginn 24. nóvember en það verður auglýst þegar nær dregur.